Гуртоос 69 миллиард манетлы ваньбур поттӥзы

Удмурт Дунне
By Удмурт Дунне Март 24, 2017 16:32

Гуртоос 69 миллиард манетлы ваньбур поттӥзы

Йылпумъянъёс лэсьтэмын элькунысьтымы гурт удыслэн кылем арын ужамезлы. Паськытатэм кенешонэ пыриськиз Россиысь пудо вордонъя департаментлэн кивалтӥсез Х. Амерханов.

2016-тӥ арын йылӥзы пудолэн йырыз но, гыроно-кизёно бусыос но — таӵеез берло 25 ар ӵоже ӧй вал ни. Гуртоос ог 69 миллиард манетлы ваньбур поттӥзы, валлян арен ӵошатыса, ог 2,4 миллиард манетлы ятыргес. Дасямын тырмыт, вылӥ ӟечлыкен кидыс, ог 85 процентэз техника бусые потонэз возьма ни.

Берло быре нимысьтыз саклык висъяське гурт удысэ инвестициосты кысконлы. Туннэ нуналлы 73 проектъёс дасесь, соослы луыса удысэ вуоз ог 95 миллиард манет. Кылсярысь, одӥгез проект — Дэри ёросысь «Агропарк» — быдэсмиз ини, огазеяськон нырысетӥ огречъёссэ но будэтӥз ни.

Гурт удысэз юнматонлы арысь аре тросгес коньдон висъяське элькун бюджетысь но, Россилэн казнаысьтыз но. Оскон бадӟым: гурттос азьланьын но вормонъёсынызы шумпоттозы, азязы пуктэм ужпумъёсты быдэстозы.

УД

Туспуктӥз Александр Горбунов

Удмурт Дунне
By Удмурт Дунне Март 24, 2017 16:32