“Дартлэн” выль номерез ортчемаз берыктэ

Удмурт Дунне
By Удмурт Дунне Март 28, 2017 16:10

Тодэ лыктӥзы модернистъёс: соослэн потэ вал пегӟемзы пурысь яке юрӟым дуннелэсь, соин вашкала дыр пала кыстӥськизы.

Вуди Алленлэн “Полночь в Париже” кинояз герой ортчем вакытэн висе вал: 20-тӥ даурлэн 20-тӥ аръёсыз солы зарни вакыт потӥзы. Шуак отчы вуыса, со тодматскиз нылэн. Кыӵе паймиз со, ныл аслэсьтыз дырзэ шуш но мӧзмыт лыдъя шуыса, солэн но аслаз идеалэз вал — 19-тӥ даурлэн пумыз. Кызьы туала егитъёслы La Belle Epoque — совето вакытысь архитектура, крезьгур, скульптура, книгаос. Номыр уг воштӥськы. Кинлы аслаз вакытаз умой меда? Но со дыре совето вакытысь культураен тунсыкъяськон туж шумпоттэ. Со али пырдэ ини, кошке. Таиз номер мыным туж кельшиз. Со чеберез адӟыны дышетэ — ортчемаз но, туалаяз но. Шуэ кадь: азьланяз чебер луоз-а — тон бордысь потэ.

Анастасия Шумилова

Газетлэн пуштросэз:

— Кинлы люкетӥз бельведер? Дизайнер Азат Романов вера Ижлэн тусыз сярысь.

— Удмурт кино ӧвӧл удмурт? Йӧскалык кино сярысь вераськон ӝутӥзы Ижысь кино лэсьтӥсьёс.

— Жаг пӧлысь инӟыос. Поръяськом удмурт «Тусвотэслэн» тулкымъёсыз вылын.

— «Югдон» но «Италмас» радиолаос. Со сярысь гожтэ Богдан Анфиногенов.

— Ортчем дырлэн ымныръёсыз. Евгений Ардашев туспуктылэ Совето вакытысь синпелетъёсты.

— Суперудмуртъёс сярысь комикс. Авторъёссы — Анастасия Петрова, Вера Штыкова, Анастасия Шумилова

Удмурт Дунне
By Удмурт Дунне Март 28, 2017 16:10