Ческыт зыно ньӧръёс

Удмурт Дунне
By Удмурт Дунне Март 15, 2017 16:29

Корка пушкысь кӧш зынэз быдтон понна пӧртэм пызъёнъёслы магазинэ дыртоно ӧвӧл. Ческыт зынэз вӧлдӥсь арбериез (саше) ас киосын лэсьтыны луэ.

Кулэ: векчи бадьпу ньӧръёс, 1 сантиметр пасьталаё 2 метр пала атлас лента, шорт, эфирной вӧйёс, вата, мандарин но апельсин кӧм, куасьтэм турын-куаръёс. Ватсаны луоз на, кылсярысь, кофе, корица тысьёсты, пужым шелепъёсты — кинлы кыӵе зын яра.

  1. Дасяно 25-30 бадьпу ньӧр, кузьдалазы ог 30 сантиметр мед луоз.
  2. Бадьпу ньӧръёсты, йылазы ог 5 сантиметр кельтыса, сћньысэн тач-тач керттылоно.
  3. Ньӧръёсты, йырин уллань карыса, озьы куасалляно — йылъёссы пушказ мед кылёзы.
  4. Атлас лентаез ньӧръёс вылтӥ-ултӥ поттано. Ньӧръ-ёс пушкы чуртнано эфирной вӧен коттэм ватаез, мандарин но апельсин кӧм, турын-куаръёсты. Озьы бодыос туплы укшаны кутско.
  5. Ньӧръёслэсь улӥзэс, озьы ик вылтӥз-ултӥз поттаса, шортэн чеберъяно.

Галина Матвеева

 

Удмурт Дунне
By Удмурт Дунне Март 15, 2017 16:29