Ӟенелик ӧвӧл — ваза

Удмурт Дунне
By Удмурт Дунне Март 13, 2017 15:27

Буш пияла ӟенеликъёстэс кытчы карыны ёрмиськоды, луоз. Соосын корка сэрегдэс чеберъяны быгатоды. Со понна трос коньдон но, дыр но кулэ ӧвӧл. 

Кулэ: бутылка, акрил краска, кисточка, сылал, резинкаос, чильпырась клей.

Ӟенеликлэсь пушсэ миськоно, вылысьтыз бумагазэ утялтоно. Кӧё-вӧё ке, спиртэн зырано. Табере бутылка вылэ 5 миллиметръем яке паськытгес  резинкаос тыроно (1-тӥ суред). Ӟенеликез резинкаос вылтӥ ик тӧдьы акрил краскаен быдэс буяно. Куасьмемез бере вылзэ зырано пиялалы чаклам чильпырась клеен. Собере ӟенеликез бумага вылэ кисьтэм сылал вылтӥ погылляно. Арбериды умой куасьмиз ке, резинкаоссэ басьтоно. Огшоры бутылкалэсь чебер ваза пӧрмиз                (2-тӥ суред).

Ангелина Снигирёва

Удмурт Дунне
By Удмурт Дунне Март 13, 2017 15:27