Герд лыдӟонъёс ортчозы Пургалан

Удмурт Дунне
By Удмурт Дунне Январь 31, 2017 16:30

Туннэ, 31-тӥ толшоре, «Удмурт Кенеш» огазеяськонлэн исполкомез люкаськылӥз.

Кенешонын пӧртэм юанъёс эскеремын: 2017-тӥ арлы ужан план, К. Гердлы сӥзем элькун лыдӟонъёсты но Анай кыллы сӥзем нуналэз ортчытон, удмурт кадръёсты дасян сярысь положение кутон но мукет.

Гердлы сӥзем научно-практической конференциос — Герд лыдӟонъёс туэ  20-тӥзэ ортчозы ни. Та вакыт ӵоже пӧртэм темаос эскеремын,  трос ужпумъёс ӝутэмын. Ужрад  азьло Ижын ортчылӥз, нош туэ со радъяськоз Пичи Пургалан. Конференцилэн нимыз ачиз косӥз кадь сое ёросэ выжтыны, туэ со нимаське «Кузебай Гердлэн дуннеосыз: Гурт-Кар-Кыл-Революция». Гердлэн творчествоез но огъя кыл политика котыр докладъёс лэсьтозы Пичи Пурга  ёрос библитотекалэн кивалтӥсез Людмила Шумилова, тодосчиос Александр Шкляев, Алексей Арзамазов, Александр Егоров, Игорь Поздеев, Василий Ванюшев.

Ужрад ортчоз 16-тӥ тулыспалэ. Конференциын ик данъямын луозы 2016-тӥ ар понна  К. Герд нимо премилэн лауреатъёсыз: Татьяна но Василий Москвинъёс (Пичи Пурга), Геннадий Кудрявцев (Можга), Арво Валтон (Эстония).

УД

Удмурт Дунне
By Удмурт Дунне Январь 31, 2017 16:30