Литература: лулыз кырӟаны дась

Удмурт Дунне
By Удмурт Дунне Декабрь 21, 2016 12:49

Национальной библиотекалэн литературалы сӥзем кунокуаяз выль пумиськон ортчиз. Таяз радэ аслаз творчествоеныз  люкаськемъёсты тодматӥз Воткаысь синтэм кылбурчи Сергей Вострокнутов.

Воткаысь кылбурчи С. Вострокнутов.

Воткаысь кылбурчи С. Вострокнутов.

41 аресаз Сергей Вострокнутовлэн 5 кылбур бичетэз потӥз ини — «И счастье хоть во тьме найду…», «Осколок упавшей звезды», «Ностальжи», «О детях и для детей» но «На волнах мечты». Сое Воткинскын гинэ ӧвќл, быдэс шаерамы но ӟеч тодо. Усточи вордскиз Воткаын, куинь арес дыръяз быриз атаез. Вить аресаз, шудтэм учыре шедьыса, пияш сукыр кылиз. Соин ик дышетскиз Якшур-Бӧдьяысь нимысьтыз школаын. Но пинал ӧз чигиськы. 12 аресказ кылбураны ӧдъяз, школазэ йылпумъяса, дышетскыны пыриз Ижысь медколледже. Али ужа Воткинскысь 2 номеро больницаын массажист луыса. «Не такой как все» кылбураз С. Вострокнутов гожтэ:

Как вечный пленник темноты,

Судьбой я брошен в слепоту.

Мне голос подают мечты,

Я, покоряя страх, иду.

Сквозь тьму шагаю в жизнь свою,

Не вижу даже дня ничуть,

Но всё ж печальных слёз не лью

И тоже жить, как все,   хочу.

Тусбуй валтӥсь интыын луыны кулэ ӧвӧл. Котькызьы адями ассэ мед кильтыръялоз, чебергес луыны мед тыршоз, пушкыз буш, лул-сюлэмыз кезьыт-чурыт ке, сое уд ӵошаты, артэ уд пукты узыр пуш дуннеен улӥсь муртэн, шуэ кылбурчи.

Бен, со уг адӟы дуннелэсь чебер буёлъёссэ, но туж умой шӧдэ. Одӥгез кылбурез таӵе чуръёсын йылпумъяське:

Но изменить в судьбе что-либо

Не хватит пульса у меня.

Ведь и за то, что есть: «спасибо!»

Готова петь душа   моя…

Сергей Вострокнутов — туж визьмо, котьмаин тунсыкъяськись адями. Со компьютерен но ужаны быгатэ, гитараен но шудэ, шаерысьтымы удмурт но бигер кылбурчиослэсь чуръёссэс ӟуч кылэ берыктэ.

— Адњыны быгатћсь муртлэсь мынам висъяськем уг поты, адями будэмъяз азинскыны кулэ, малпаськыны но валаны, малы со вуэ та дуннее, со сяна, та адями яратонтэк улыны уг быгаты. Мынам но сыӵе шудэ вань, — шуэ  усточи.

Та сярысь ик вераны тырше мукет кылбураз:

Раны душевные — струны искусства,

Если от сердца рождаются чувства.

Тот не подвержен умом  загнивать,

Кто продалжает любить и мечтать…

Сергей Вострокнутов та пумиськонын уно кылбуръёссэ лыдӟиз. Тросэз соос сӥземын яратонлы, семьялы, Россилы, вордскем шаерезлы но П. Чайковскийлы. Кылбурчи верамъя, солэн кык дорез — анаезлэн вордӥськем Брянск улосэз но востэм чеберлыкен сое лэйкатыса возись Воткинск. Та городлы трос кылбуръёсыз сӥземын, одӥгез кутске таӵе кылъёсын:

А ночь повиснет паутиной

Вот берег с прудом говорят.

Над ними лунная плотина

И догорающий закат…

Та пумиськонын чузъяськизы кырӟанъёс но. С. Вострокнутовлэн кылъёсызлы гур кылдытэм Удмуртиысь культура удысысь дано ужась, филармониысь артист Сергей Федосеев. Сергей Пахомович шуэ:

— Мон куать ар гинэ ай Ижын, отчыозь улӥ Воткинскын. Сергей Вострокнутовез кемалась тодӥсько но гажасько. Мынам куинь гинэ кырӟанэ ай солэн кылъёсызъя. Малы сыӵе ӧжыт? Туж шуг гожтыны визьмо, малпаськытӥсь но мур кылбурлы гур. Крезьгур ӵем дыръя утча огшоры, капчи кылъёсты, нош та усточилэн чуръёсыз ас кожазы но сокем чебересь, мур пуштросоесь, соослы гур кулэ ик ӧвӧл, дыр. Кык Сергейёслэсь кырӟанъёссэс учкисьёс туж шуныт пумитазы но кема чабизы.

Галина Семёнова

Удмурт Дунне
By Удмурт Дунне Декабрь 21, 2016 12:49