Мувӧй дуноян, кырпарсьёсты быдтыны малпан но сикетӥ поръян

Удмурт Дунне
By Удмурт Дунне Сентябрь 30, 2016 11:50
013475,нефтехранилище Удмуртторф,Граховский район,Ижстроймонолит,нефть,промышленность,нефтепровод

Туспуктӥз А. Горбунов

Дуннеын

 Мувӧйлы дун ӝутскиз

28-тӥ куарусёнэ Алжирын люкаськылӥз мувӧй поттонэн вырись кунъёслэн огазеяськонзы (ОПЕК).

Огазеяськонэ пыре 13 кун. Куспазы соос огкылэ вуизы: мувӧй поттонэз кулэстоно. Азьвыл уй-нунал куспын 33,24 миллион баррель потто ке вал, табере верасько та лыдпусэз 32,5-33 миллион баррелёзь уськытыны. Зэм, документъёс кутэмын ӧвӧл на, огкылэз юнматыны чаклало ноябре Венаын. Отын ик чаклалозы, кыӵе кунъёс кӧнялы мувӧй поттонзэс кулэстозы. Таӵеез берло 8 ар ӵоже ӧй вал на. Рынок соку ик «визьтэммиз»: кӧня ке час ӵоже мувӧйлы дун 6 процентлы ӝутӥськиз, 1 баррель понна 49 долларозь вуиз.

Кыӵе муген ОПЕК мувӧй поттонэз кулэстыны малпаз? Огазеяськонлэн генеральной секретарез Мухаммед Сануси Баркинд верамъя, мувӧй возёнъя хранилищеос тырмемын ини.

kaban, http://piterhunt.ru/

Туспуктэм: piterhunt.ru

Россиын

 Кырпарсь люкетэ?

Правительствоын эскеро Россиысь шор улосъёсысь кырпарсьёсты воксё быдтон сярысь ужпумез.

Берло дыре парсьёс пӧлын зол вӧлмыны кутскемын африкан чума. Нош кырпарсьёс — та через нуллӥсьёс. Висён гидэ пыре ке, быдэс уллёез вандоно луэ. Парсь вордонэн вырись хозяйствоосты утён вылысь ик чаклало кырпарсьёсты быдтыны.

Африкан чумаен нюръяськонъя документъёсты кутыны косэмын куарусён толэзь пумозь. Гурт удысъя министр А. Ткачёв верамъя, берло 7 ар ӵоже 42 улосвылын чумаен йырин 800 сюрс парсь быдтэмын. Россиысь хозяйствоосын али 25 миллион парсь вордо. Таосты утён вылысь пудо эмъясьёс эшшо но чурытэсьгес куронъёс пуктыны быгатозы. Вераськон ветлэ, гуртоослы гидазы парсь вордыны алэмын луоз шуыса.

skorokhod

Туспуктэм: vk.com

Удмуртиын

 Сикетӥ поръян

Таяз шутэтскон нуналъёсы 14 ёрос «Удмуртиысь кругосветка» ужрадэ пыриськоз.

Арлы быдэ ортчись ужрад таяз учыре «Мон быгатӥсько, талы шумпотӥсько» ӧтён улсын радъяське. Отчы пыриськыны мылкыд каремзэ ивортӥз ни 18 сюрс пала адями. Ӝыныез — Ижын улӥсьёс. Сикетӥ ветлыны мылкыд карисьёс 2-ысен 30 иськемозь ортчыны быгатозы. Мылкыд карисьёс та нуналэ ГТО-лэсь куронъёссэ но сётыны быгатозы.

«Удмурт дунне»

Удмурт Дунне
By Удмурт Дунне Сентябрь 30, 2016 11:50