Томск улосын ортчиз Гербер

Удмурт Дунне
By Удмурт Дунне Июль 8, 2016 12:29
гербер

Томск улосын, берло лыдъян-чотанэз учконо ке, 1 миллион 47 сюрс 394 адями улэ.

Томск улосысь Нижний Тиг июнь пумын ортчиз Гербер шулдыръяськон. Таӵе ужрад тапалан берло дыре арлы быдэ радъяське.

Томск улосын, берло лыдъян-чотанэз учконо ке,  1 миллион 47 сюрс 394 адями улэ. Таос пӧлысь 1 сюрс 485-ез — удмуртъёс. Уноез соос гурт удысын тыршо. Соин но гыронэз быдтонлы сӥзем ужрадэ адямиос мыло-кыдо пыриськизы. Гербер шулдыръяськон фестивальлы пӧрмытэмын, со улосвылысь вань удмуртъёсты огазея.

Томск улосысь Чаинской ёросысь удмуртъёслэн огазеяськонэнызы кивалтӥсь Галина Стрелкова верамъя, вазь ӵукнаысен бер ӝытозь калык возь вылысь кошкыны ӧз ӵыды. Кибашлыослэн арбериосынызы адӟытон сяна, возь вылэ поттэмын вал туала  техника, со бусыын ик мар карыны быгатэмзэ но возьматӥз. Со сяна, радъяськиз вал вылын ворттылонъя ӵошатскон. Кусоен, герыен ужаны быгатӥсьёслэсь но быгатонлыкъёссэс эскеризы. Нылъёслэсь скал кыскыны быгатэмзэс чаклазы. Нимысьтыз пусйизы тужгес чебер удмурт дӥсез. Ваньмыз та ортчиз шулдыр концерт но эктонъёс шӧлкын.

Удмурт Дунне
By Удмурт Дунне Июль 8, 2016 12:29