«Чакара» ортче улосъёстӥ

Удмурт Дунне
By Удмурт Дунне Июль 6, 2016 08:21
«Чакара» фестиваль туэ кунояз Пермь улосвылын.

«Чакара» фестиваль туэ кунояз Пермь улосвылын.

Пермь улосвылысь Куеда ёросысь Бадӟым Гондыр гуртын ортчиз вашкала удмурт гуръёслы сӥзем 7-тӥез «Чакара» фестиваль.

Ужрадэ пыриськизы 14 улосысь 25 фольклор коллективъёс. Башкортостанысь, Татарстанысь, Удмуртиысь, Марий Элысь, Киров, Пермь улосъёсысь сяна, отчы вуылӥзы Ханты-Мансийск, Екатеринбург, Санкт-Петербург палась удмуртъёс. Бадӟым ужрадэ 6 сюрс пала адями люкаськылӥз.

Чакара — со гурезьлэн нимыз, интыяськемын Башкортостанысь Калтаси ёросысь Бадӟым Качак, Пичи Качак но Кугарчино гуртъёс вискы. Фестиваль нырысь ортчылӥз Ижын. 2015-тӥ арысен кутскыса, сое пӧртэм улосъёсын ортчытъяло, озьы ужрадлы выль шӧм пыӵаз кадь.

Таяз учыре куно пумитан сярысь вань сюлмаськонъёсты ас вылаз басьтӥз Пермь улос. Берлоез лыдъян-чотан возьматӥз: та улосын 23 сюрс пала удмуртъёс уло.

Нырысь Кырги гурт котырын Элен вӧсь ортчиз. Пермь но Башкортостан улосъёсысь удмурт гуртъёсысь вӧсясьёс Инмарлэсь ӟеч улон куризы. Бќрысь «Чакара» фестиваль выжиз Бадӟым Гондыр гуртэ. Сцена вылын, вашкала удмурт гуръёс чузъяськем сяна, туала удмурт кырӟанъёсты быдэстонъя вожвылъяськон но ортчиз. Куеда ёросысь удмурт, ӟуч, бигер, башкир но чуваш культурая центръёслэн нимаз азбаръёссы вал. Таӵе шулдыръяськонъёс кусыпъёсты юнматыны юртто.

Валентина Емельянова

Туспуктӥз Георгий Шамшияров

 

 

Удмурт Дунне
By Удмурт Дунне Июль 6, 2016 08:21