Великен ворттылэ… сяська

Удмурт Дунне
By Удмурт Дунне Июнь 24, 2016 16:45

ВеликИжысь Ольга Прозорова дораз нылпиен пуке. Пиеныз ӵош киужен мыло-кыдо выре. Алигес соос песянайзэс шумпоттӥллям… великен.

Доразы сяська будэтӥсьёс кельшытӥзы та великез. Лэсьтыны уго капчи. Укно дур но соку ик шулдырске. Мар кулэ со понна? Зӧк картон, пу шпажка, джут гозы, векчи ез, пластик ӟенелик, качы, ПВА клей.

  1. Пластик ӟенеликез ӝынылы вандоно. Сое джут гозыен бинялляно. Татчы бӧрысь поныны луоз горшокен сяськаез. Гозы медаз сэрттӥськы шуыса, пумъёссэ клеен зырӟалтоно.
  2. Картонэз котырес вандоно — питран выллем. Дасяно 3 сыӵе котыресъёс. Питранъёслэн шоразы пу шпажкаос тыроно, клеен зырӟалтоно. Бӧрысь питранъёсты гозыен бинялляно.
  3. Питранъёсты ог-огенызы езэн герӟано. Езэз джутэн шобыртоно.
  4. Велик пӧрмем бере отчы сяська пононэз ляконо.

Ольга Корепанова

Удмурт Дунне
By Удмурт Дунне Июнь 24, 2016 16:45