Пель угыослы — сандык

Удмурт Дунне
By Удмурт Дунне Июнь 16, 2016 16:28

Берекет ГаляКияса ёросысь Карамас-Пельга гуртысь кибашлы Галина Матвеева лэсья пель угыос, чигвесьёс, суйпоскесъёс. Пель угыосыз медаз ыше шуыса, Галина соослы сандык — рамка — но дасям.

Кулэ луоз: туспуктэмлы рамка, зӧк басма — пасьталаез но ӝуждалаез рамкалэсь 2-3 сантиметрлы бадӟымгес луыны кулэ, ог 2 метр векчи чильтэр, вень, сӥньыс, ПВА клей.

  1. Рамкалэсь картонзэ басмаен шобыртоно. Басма пумъёсты клеен ляконо.
  2. Чильтэрез рамкалэн пасьталаезъя 5 люкетлы вандылоно. Соосты, ог 5 сантиметр вис карылыса, басма борды венен сӥньысэн тэчоно.
  3. Рамка чебер адскоз, басма пеймыт, нош чильтэр югыт буёло луизы ке. Чильтэрез юнзэ но пасёзэ быръёно. Со борды пель угыосты дэмӟытъяны капчи мед луоз. Секытлэсь медаз кыстӥськы.

Ольга Корепанова

 

 

Удмурт Дунне
By Удмурт Дунне Июнь 16, 2016 16:28