Геннадий Красильниковлэн музей-квартираез возьма куноосты

Удмурт Дунне
By Удмурт Дунне Июнь 23, 2016 14:45

Геннадий Красильниковлэн музей-квартираяз та арысь тужгес но бадӟым ужрад ортчоз. Дано удмурт гожъяськисьлы 7-тӥ пӧсьтолэзе 88 арес тырмысал.

7-тӥ пӧсьтолэзе 11 часлы музее люкаськозы Геннадий Красильниковлэн ӵыжы-выжыосыз: нылыз, вынызлэн кышноез но пиосыз, сузэрез. Музейын ужасьёс соослэн тодэ-ваёнъёсынызы малпало вакчи кино дасяны. Соос доразы вань мылкыд карисьёсты возьмало.

Музейлэн «ВКонтакте» бамысьтыз — vk.com/club80081080 — Геннадий Дмитриевичлэн улон сюресэз но творчествоез сярысь нуналлы быдэ выль тунсыко иворъёс шедьтыны луэ. Соин валче музей конкурс радъя: бамысь репост лэсьтэм адямиос пӧлын лоторея ортчытозы, тужгес но шудоезлы аудиоэкскурсия ортчыны билет но музейлэсь синпель кузьым сётозы.

Геннадий Красильников уно удмурт романъёс но повестьёс гожтӥз («Тӧлсяська», «Арлэн кутсконэз», «Вуж юрт» , «Тонэн кылисько» но мукет), «Алнаш колхозник», «Советской Удмуртия» (али «Удмурт дунне») газетъёсын ужаз, Удмуртиысь Писательёслэн огазеяськонэнызы кивалтӥз.

Мария Емельянова

Удмурт Дунне
By Удмурт Дунне Июнь 23, 2016 14:45