Шаржъёсын адӟытон — «Удмурт дунне» редакциын

Удмурт Дунне
By Удмурт Дунне Май 26, 2016 09:58

выставка

Екатерина Мензариповалэн шаржъёсыз туж лякытэсь.

   «Удмурт дунне» газетлэн редакцияз усьтӥськиз егит суредасьлэн Екатерина Мензариповалэн шаржъёсыныз тунсыко адӟытон.

— Туала вакытэ адямиос улон шоры укыр малпаськись тусын учко, ялан уксё поттыны, ужаны тыршо, — шуэ ачиз автор,  — нош шаржъёсын соос усьтӥсько воксё мукет сямен, пальышан пыр.

Зэм но, Екатерина Мензариповалэн шаржъёсыз туж лякытэсь.   Суредъёс вылын тодмо удмурт политикъёс, артистъёс, журналистъёс туж мусо адӟисько. Со вакытэ ик суредась котькудӥзлэсь сямзэ усьтыны быгатэ.

Ачиз Екатерина Мензарипова вордӥськемын Пичи Пурга ёросысь Эдэйгуртын. Йылпумъямын Можга педколледжез но Удмурт кун университетысь  Искусствоя но дизайнъя институтэз. Шаржъёсыныз адӟытонъёс ортчизы ни Марий Элын, Татарстанын, Ижысь пӧртэм огазеяськонъёсын.

“Удмурт дунне” газетлэн редакцияз адӟытон ужалоз быдэс гужем ӵоже.

Елена Васильева

Туспуктӥз Мария Векшина но

Александр Горбунов

Удмурт Дунне
By Удмурт Дунне Май 26, 2016 09:58