427 миллион манет — нылпиослы шутэтскыны

Удмурт Дунне
By Удмурт Дунне Май 26, 2016 15:30
036032,дети,лагерь,отдых,Дмитров

Оглом ог 120 сюрс пиналъёс шутэтскыны, дышетскыны, тазалыксэс йӧнатыны быгатозы город сьӧрысь, школаос бордысь лагерьёсын, санаторийёсын.

Нылпиослэсь гужем каникулзэс радъянлы чакламын 427 миллион манет висъяны. Со пӧлысь бадӟым люкетэз — элькун бюджетысь.

Берло аръёсы каникулъёсты радъян быдэсак погыльтэмын вал улосъёс вылэ,  Россиысь коньдон ӧз висъяськылы. Но туэ федерал казнаысь 41,9 миллион манет вуыны кулэ. Дышетонъя но наукая министр Алексей Мирошниченко верамъя, та уксё тырмоз секыт югдуре шедем, ёрмыса улӥсь семьяосысь 3 сюрс нылпиосты лагерьёсы ыстыны.

Оглом ог 120 сюрс пиналъёс шутэтскыны, дышетскыны, тазалыксэс йӧнатыны быгатозы город сьӧрысь, школаос бордысь лагерьёсын, санаторийёсын. 6 но ӝыны аресысен 18 аресозь пиналъёс пӧлысь со 73 процентэз. Кылем арын гужемен ӵошатыса, ог 800 пиналлы тросгес луэ.

Чакламъя усьтӥськыны кулэ 700 пала лагерьёс. Со пӧлысь 598-эз — дышетон организациос бордын, 20-эз — город сьӧрын.  Эшшо ужалозы палаткаосын 7 лагерь, 17 санаторий, 18 муниципал кылдытэтъёс радъялозы 65 ужан но шутэтскон лагерьёс.

Дышетонъя но наукая министр верамъя, город сьӧрысь лагерьёс пӧртэм дун тупато. Компенсация тыриськоз шоро-куспо дун бордысь — берыктӥськоз ӝыны дуныз: 21 нунал понна 6 сюрс 300 манет. Но бюджет удысын ужасьёслы, льготникъёслы берлань сётӥськоз 80 процентэз: 21 нунал понна 9 сюрс 744 манет.

Элина Кумачёва

Туспуктӥз Александр Горбунов

Удмурт Дунне
By Удмурт Дунне Май 26, 2016 15:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*