«Удмурт Кенешлэн» вице-президентъёсыз быръемын

Удмурт Дунне
By Удмурт Дунне Март 10, 2016 15:31
президентъёс

«Удмурт Кенеш» огазеяськонлэн вице-президентъёсыз.

Пичи Кенешын быръемын «Удмурт Кенеш» огазеяськонлэн вице- президентъёсыз.

Таяз радэ соос 3 кузя: элькунысьтымы Дышетонэз азинтонъя институтлэн директорез Владимир Байметов, К. Герд нимо гимназилэн директорез Анжелика Михеева но Сарапулын потӥсь «Наше время Удмуртия» газетлэн валтӥсь редакторез Алексей Серебренников.

— Удмуртъёслэн огазеяськонзылэн вице-президентэз луон — со уж, — вераз Владимир Байметов. — Мон кусып возисько шаерысьтымы вань вузъёсын, дышетон удысысь ёзъёсын. Малпасько, та кусыпъёслы луыса удмурт калык понна трос пайдазэ лэсьтыны быгато.

Анжелика Михеева 32 ар ужа ни дышетон удысын. Вера, удмурт кылэз дышетон мылкыд пиналъёслы нырысь ик пыӵато анай-атайёс. Соин ик ужано семьяосын.

Егитъёсты мерлыко уже кысконо, «Удмурт Кенеш» огазеяськонлэсь сайтсэ ужатоно, вотэсын ивор вӧлмытонъя уж нуоно — та ужпумъёсты радъяны сӥзиз Алексей Серебренников.

Та адямиослы оскемзэ вераз «Удмурт Кенеш» огазеяськонлэн тӧроез Татьяна Ишматова.

Мария Векшина

Удмурт Дунне
By Удмурт Дунне Март 10, 2016 15:31