Тодмо луизы Кузебай Герд нимо премилэн лауреатъёсыз

Удмурт Дунне
By Удмурт Дунне 20 января, 2016 12:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
_DSC0139

Премия сётон ортчоз Бадӟым ӧтчам дыръя.

Соос юнматэмын «Удмурт Кенеш» огазеяськонлэн ортчем исполкомаз.

Кызьы вераз Йӧскалык премиосъя комиссилэн ёзчиез, профессор В. Владыкин, туэ К. Герд нимо премилэсь лауреатъёссэ бырйыны секыт вал — трос дано адямиос ӵектэмын вал.  Озьы ке но висъямын 3 адями, ваньзы соос удмуртъёс понна вань сюлэмзэс поныса ужало. Со протодьякон, профессор, кылосбур тодосъя доктор Михаил  Атаманов. Туэ со «Край земли удмуртской» книгазэ поттӥз. Отысь шедьтыны луоз Удмуртиысь но мукет улосвылъёсысь шуръёслэсь, лудъёслэсь, бусыослэсь, нюкъёслэсь, гуртъёслэсь нимъёссэс но историзэс.  Мукетыз лауреат — кырӟанъя но эктонъя «Айкай» калык театрысь артист Геннадий Кузнецов. Аслаз удысаз со кема аръёс ӵоже тырше ни. Ужась сямыныз озьы ик паймытэ «Удмурт Кенешлэн» Ижысь  Первомай ёросысь ёзэзлэн кивалтӥсез Ольга Шилова. Ас вакытаз со нюръяськиз Кузебай Герд нимо гимназиез усьтон понна.

Премия сётон ортчоз Бадӟым ӧтчам дыръя.

«Удмурт Кенешлэн» пусйытэк кельтэмез ӧз поты мукет ӵектэм адямиосты но.

Толсуре огазеяськон эшшо одӥг ӧтчам ортчытоз на, со сӥземын луоз огазеяськонлэн 25 ар тырмонэзлы. Отын коньдон премиен пусъемын луозы эшшо 3 адямиос. Со Эстониысь писатель Арво Валтон но Пичи Пурга черкогуртысь удмурт дэремъёсты вылдӥсь, модельер Татьяна Москвина но «Удмурт Кенеш» огазеяськонлэн Пичи Пурга ёзэныз кивалтӥсь Василий Москвин.

— Ваньды тодӥськы, кыӵе бадӟым уж лэсьтэ Арво Валтон. Мон ӧй паймысал, солы Нобель премия но сётысалзы ке. Со матысь кусыпъёс возе вань фин-угор калыкъёсын, эстон кылэ берыктӥз но книгаен поттӥз 20-лэсь трос удмурт произведениосты, — вера «Удмурт Кенешлэн» тӧроез Игорь Семёнов. — Москвинъёслэсь семьязэс но тодэ быдэс дунне. Алигес соос бертӥзы Швейцариысь, кунгож сьӧрысь тросэз кышномуртъёс синмаськизы Татьяна Никитичналэн удмурт дэремъёсызлы.

Кузебай Герд нимо премиез «Удмурт Кенеш» огазеяськон сётъяны кутскиз 1992-тӥ арысен. Та дыр ӵоже пусъемын 48 адями, озьы ик  «Инвожо» ансамбль но «Удмурт дунне» газетлэн редакциез.

Мария Векшина

Туспуктӥз А. Горбунов

Удмурт Дунне
By Удмурт Дунне 20 января, 2016 12:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<