Кинлы вӧсяськоно пичиысен кулэм нылпиос понна?

Удмурт Дунне
By Удмурт Дунне Январь 20, 2016 12:51

Дун-чылкыт Уар

Вералэ вал, кинлы вӧсяськоно пичиысен кулэм нылпиос понна, сопал дуннеын умой мед улозы шуыса. Пиналмы вож нуны дыръяз улонысь кошкиз, чукыныса ӧм вуттэ вал. Черкын кулэмъёсты буре ваён запискае нунымес гожтыны ӧз лэзе, пылатэмын ӧвӧл шуыса.

Валентина,

Иж

Бен, алтаре записка сётыны луэ пылатэм мурт понна гинэ. Но чукынытэк улонысь кошкем пичи нуны-а, арлыдо адями-а, ваньзы понна вӧсяськоно. Инмарлэсь куроно вань кулэм муртъёсмес буре вайыны, лэсьтэм сьӧлыкъёссэс куштыны но дун-сьӧлыктэмъёсын артэ интыяны.

Та дуннеысь чукынӥськытэк кошкем адямиосты буре ваёно дорын но, черкын но. Молитваосты лыдӟоно. Кин уг тоды чирдыны, Инмарлы асьтэ кылын вазиське.

Кинлы луэ на вӧсяськыны? Вань сыӵе святой  — Уар (черк сое буре вае 1-тӥ шуркынмонэ). Оскон понна курадӟытэм Уарлы адямиос вазисько  чукынӥськытэк улонысь кошкем но Инмарлы оскытэк кулэм ӵыжы-выжыоссылэсь адӟонзэс капчиятон понна. Со сяна, Дун-чылкыт Уарлы вӧсясько, нуны анай пушкын  яке вордӥськыкуз кулыны шедьтэ ке. Та святойлы ик вӧсясько асьсэдыз быдтэм адямиослэн лулъёссы понна. Дун-чылкыт Уарлы молитва таӵе:

«О, святый мучениче Уаре досточудный, ревностию по Владыце Христу разжигаем, Небеснаго Царя пред мучителем исповедал еси, и ныне Церковь почитает тя, яко прославляемаго от Владыки Христа славою Небесною, Иже дарова тебе благодать великаго к Нему дерзновения, и ныне предстоиши Ему со Ангелы, и в вышних ликуеши, и зриши ясно Святую Троицу, и светом Безначальнаго Сияния наслаждаешися: воспомяни и наших сродников томление, умерших в нечестии, приими наше прошение, и якоже Клеопатрин род неверный молитвами твоими от вечных мук свободил еси, тако воспомяни елицы противобожне погребенныя, умершия некрещенными (имена), потщися испросити оным от вечныя тьмы избавление, да вси едиными усты и единем сердцем восхвалим Премилосерднаго Творца во веки веков. Аминь».

 

Удмурт Дунне
By Удмурт Дунне Январь 20, 2016 12:51