«XXI даурысь азьветлӥсь» конкурслэн финалаз сюриз Данил Поздеев

Удмурт Дунне
By Удмурт Дунне Декабрь 21, 2015 09:04
лидер

Конкурсэ вуылыса, шуд усиз Удмуртилэн Тӧроезлэн Россилэн Президентэз бордын ужась муртэныз С. Смирноваен пумиськыны

Та толэзе  вуылӥ кунмылэн шорсюлмаз, «XXI даурысь азьветлӥсь» конкурслэн финалаз пыриськи. Татчы быдэс Россиысь 61 улосысь ог 300 пала егитъёс ветлӥзы.

Нырысь конкурс радъяське улосвылъёсын, собере тужгес золъёсыз кужымзэс эскерыны люкасько Москвае. Озьы Удмуртиысь туэ ми 3 кузя мынӥмы. Мон сюри 14-17 аресъемъёс пӧлы — 92 кузя люкаськимы.

Ваньмылы 3 шуг-секыт пыр ортчоно, выжыкылын кадь!

Нырысетӥ нуналаз 3 минут ӵоже асьме сярысь верамы. Кыкетӥ нуналаз дась проектъёсмес жюри азе поттӥмы. «Доре бертон — check in Udmurtia» — проектэлэн нимыз. Мон малпай Дэбес ёросысь тодмо интыостӥ туристъёслы сюрес лэсьтыны. отчы пыриськисьёс визьзэс сыналозы «Тодэ ваён» шудонын но «Crazy удмурт» программая удмурт кылэз дышетозы. Ужме жюри висъяз «Калык сям-йылолъёслы оскон» номинациын. Мон понна та туж бадњым вормон. Табере Tripline.net сайтын ӟуч но англи кылъёсын карта кылдытоно: дуннеысь котькуд адями соин тодматскыны быгатоз.

Жаляса верано, вань вожвылъяськисьёслэсь проектъёссы сярысь мадемзэс мыным кылзыны ӧз кылды, угось ачим, жадёнэз валатэк, уез нуналэн сураса, аслэсьтым проектме жюриослы возьматыны дасяськи. Жаль, вормисе потымтэ ужъёсмылы нокыӵе дунъет сётэмын ӧй вал.

Та вожвылъяськонэ вуылон мон понна туж бадӟым, дунъяны луонтэм вамыш луиз. Выль адямиосын тодматсконъёс, тунсыко кенешонъёс улон шоры но, ачим шоры но мукет паласен учкытӥзы.  Нырысь ик бадӟым тау шуэме потэ Т. Швецовалы, Кузебай Герд нимо гимназиысь дышетӥселы, со мынам валтӥсе но, юрттӥсе но вал, Дэбес ёросысь командаелы, эшъёсылы.

Конкурсэ вуылыса, шуд усиз Удмуртилэн Тӧроезлэн Россилэн Президентэз бордын ужась муртэныз С. Смирноваен пумиськыны, Москваын удмурт кылын вераськыны!

Данил Поздеев

Туспуктэмез авторлэн

Удмурт Дунне
By Удмурт Дунне Декабрь 21, 2015 09:04