Кызьы Выль арлы чебермано коркаез?

Удмурт Дунне
By Удмурт Дунне Декабрь 24, 2015 09:12
шарик

Озьы ик дорады вань, дыр, пенопласт.

Пенсионер-а тӥ яке студент, гуртын улӥськоды яке городын, одно ик пумиталоды Выль арез. Нош кызьы коркаез чеберъяно, трос уксё быдтытэк?

Милям Тол бабаймы, Санта Клаус сямен, пыдвылъёсы кузьым уг келля ке но, соосын туж тунсыко луэ чеберъяны борддорез. Тӥ малпады, дыр, лавкае мыныса, пыдвылъёс октыны? Чик но кулэ ӧвӧл! Песянайды яке асьтэос керттӥськиськоды, дыр, пичи кылем яке кулэтэм носкиосты но пӧзьыосты вань, луоз. Кышкатэк ошылэ соосты борддор яке гур кузя. Висказы, чебергес мед луоз шуыса, ватсалэ кыз шудонъёсты.

киуж

Песянайды яке асьтэос керттӥськиськоды, дыр, пичи кылем яке кулэтэм носкиосты но пӧзьыосты вань, луоз.

гын сапег

Туж мусо пӧрме!

Озьы ик дорады вань, дыр, пенопласт. Солэсь мар но пӧрмытыны уг луы: ог-огзы борды лякылыса пичи кыз но, кыз шудон но. Нош сӥньыс вылэ сузьйыса, луэ пӧрмытыны гирлянда, ошыны сое пагӟа кутон кузя яке кыз вылэ.

Тэльысь кыз вайыны уг яра, тодэ сое. Пуктэлэ басьтэмзэ яке кыз вайёсты чигтылыса вае. Пуктэлэ соосты чебер горшоке. Яке ошылэ корка сэрегъёсады, шудонъёсын чебермаса — ческыт зын луоз. Но искусственнойзэ кадь вуоно гужемозь эн во-зелэ, куашканы кутскоз.

Ӝӧк. Кызьы сое тунсыко чеберманы? Татын милемлы юрттозы гын сапегъёс. Кутӥськоды соосты, маин ке чеберъяськоды, сотэк но чебер ке, кулэ ӧвӧл. Кутчаськоды соосты ӝӧк кукъёсы. Туж мусо пӧрме!

Пелагея Куликовская

Туспуктэмъёсыз авторлэн

Удмурт Дунне
By Удмурт Дунне Декабрь 24, 2015 09:12