Сиён-юонъёсъя «Быг-быг» фестивале 1000-лэсь ятыр куноос вуозы

Удмурт Дунне
By Удмурт Дунне Июль 9, 2015 11:54

быг11-тӥ-12-тӥ пӧсьтолэзе Шаркан ёросысь Быгы гуртын «Быг-Быг» фестиваль ортчоз. 2 ар куспын со фин-угор дуннеын сиён-юонъёсъя фестивальёс пӧлын валтӥсь ужрадлы пӧрмыса вуттӥз.

Фестиваль 2 нунал ортчоз. Нырысетӥ нуналаз пӧраськись В. Шахтин возьматоз, кызьы удмурт сиён-юонъёсты пӧранын туала амалъёсты кутоно, Г. Кузьмин куноосты пересьмон пыжыны но варсь пӧзьтыны дышетоз. «Ческыт азбарын» командаос 8 ингердиентъёслэсь пӧртэм сиёнъёс пӧрмытозы.

Пӧраськонъя валтӥсь вожвылъяськон пуромоз фестивальлэн 2-тӥ нуналаз. Отчы пыриськыны мылкыд каризы шаерысьтымы 13 ёросъёсысь но Башкортостанысь Нефтекамскысь командаос. Жаляса верано, туэ кунгож сьӧрысь фин-угор командаос сиён-юон пӧранъя вожвылъяськонэ уз пыриське.

— Кунгож сьӧрысь ми доры вуоз одӥг делегация. Отчы пыриськозы Норвегиысь, Шотландиысь, Эстониысь, Финляндиысь, Венгриысь 20 адямиос, — вера ужрадэз радъясь Жанна Ермолаева. — Фестивальын котькудӥз аслыз кельшымонзэ но пайдазэ басьтоз: выль тодматсконъёс, сиён-юонъёс но пӧртэм культураос.

Радъясьёс оскыто, туэ Быгы музъем вылэ 1000-лэсь ятыр куноос люкаськозы.

«УД»

Удмурт Дунне
By Удмурт Дунне Июль 9, 2015 11:54