Ижын ортчоз Лыдӟисьёслэн фестивальзы

Удмурт Дунне
By Удмурт Дунне Июнь 8, 2015 15:50

Ижын ортчоз Лыдӟисьёслэн фестивальзы

12-тӥ инвожое Ижысь Кызьпу арамаын нырысьсэ ортчоз Лыдӟисьёслэн фестивальзы. Ужрадын пӧртэм площадкаос радъяськозы.

Татын котькудӥз сюлэмезъя уж шедьтоз — газетлэн котькуд ватсэтэз фестивальын аслэсьтыз азбарзэ радъя. Dart газет егитъёслы концерт пуктэ. Пичи сцена вылысен кырӟалозы Алина Егорова, Анна Образцова, Мария Бочкарёва, Влада Митрофанова, Мурӝол Underground. «Ингожлэн» сэрегаз Л. Тихоновалэн, Т.Черновалэн, А.Диевалэн, Б.Анфиногеновлэн кылбуръёссы чузъяськозы, «Берекетын» луозы пӧртэм киужъёслы дышыны, нош «Гердын» — удмурт кылэз дышетыны но газетмылы гожтӥськыны. Нылпиос понна ужалоз шудон азбар. Озьы ик фестивальын радъямын луоз киужъёсын, книгаосын, сиён-юонэн вуз карон.

Со сяна, бадӟым сцена вылын ортчоз концерт. «Удмурт дунне» газетэз 100 ар тырмонэныз ӟечкылалозы лыдӟисьёс, гуртысь ансамбльёс но «Айкай» театр.

Ӧтиськом шаерысьтымы вань мылкыд карисьёсты!

Лыдӟисьёслэн фестивальзы кутскоз 13 часын.

УД

Удмурт Дунне
By Удмурт Дунне Июнь 8, 2015 15:50