Кунянэз юнматоз ӝук

Удмурт Дунне
By Удмурт Дунне Апрель 9, 2015 10:35

20095,ООО ДРУЖБА,Увинский район,коровы,колхоз,сельское хозяйство,животные,ферма,телята4 толэзьем кунянэ будэмысь дугдӥз. Ӟызыя ни кадь. Ачиз умой сиське. Комбикорм но, пызь но уг жаляськы. Выж вылысь мырдэм султэ, пыдъёсыз куалекъяло.
Марина В., Можга ёрос

Тулыс уноез кунянъёс курадӟо, витамин тырмымтэен. Ӵемысь со луэ А но Д витаминъёслы ёрмон. Озьы кутско рахит, полиневрит, ксерофталмия но мукетыз. Скалэз секытэн дыръяз урод сюдэмысь но, кунян ляб вордӥське. Валамон ни: будэмъяз со, чебертӥськем интые, эшшо но золгес начарме. Витамин тырмытэк, кунянъёс куддыр сукыр но вордӥсько. Шокан ёзвиосазы ур люкаськемен, тыосазы ӵемысь воспаление кылдэ. Йӧнатон борды ӧд басьтӥське ке, кунян кулоз. Аптекаысь басьтэм эмъюм но витаминъёс сяна, сюдоно ӟеч кешыр, чабей уд, вож турын. Ноку мултэс уз луы чорыг вӧй.

Югдур уката секытоме, гидын кезьыт, омырын мускыт, выж вылын кот ке. Кунян ачиз сиське, но со уг тырмы солы ассэ шунтыны. Эшшо ке кӧлъёсыз вань дыръя будыны ӟигарыз уг тырмы.

Югдурез тупатон вылысь куняндэс шуныт интые пыртэ. Улаз кӧс куро я пул пызь вале, сое ӵемысь вошъялэ. Ӟигар сётон вылысь одно сюдоно шуныт ӝукен. Сётъяно ӝожон, йӧл, обрат, умой турын. Тазьы сюдон дуногес потӥз ке, мылкыдыз тупатскем бере дышем сямъя сюдыны яра. Но кезьыт ву эн сётъялэ.

Котьма ке но пудо эмъясез ӧте. Асьтэ коже гинэ бурмытон борды эн басьтӥське.

Туспуктэм: Александр Горбунов

Удмурт Дунне
By Удмурт Дунне Апрель 9, 2015 10:35