Выль цивилизация — выль инмуос

Удмурт Дунне
By Удмурт Дунне Апрель 2, 2015 15:28

цивилизация 3Али гинэ учкимы, кызьы «Интерстеллар» киноын адямиос тыршо шедьтыны асьсэлы выль улон инты.

Палэнысь учкись луэмды уг ке поты, дэмласьком тӥледлы пыриськыны та уже но кылдытыны асьтэлы мукет инмуосын колониос. Таӵе луонлык тӥледлы сёто Sid Meier’s Civilization: Beyond Earth (Сид Мейерлэн цивилизациез: Музъемлэсь палэнын) шудонэз кылдытӥсьёс.

Таяз учыре тодмо пошаговой стратегия шудонэз адямиос кельто Музъемез но кылдыто колониос мукет инмуосын. Тӥ быгатоды бырйыны, кыӵе луоз тӥляд выль дуннеды: шудонын вань мукет инмуосы лэзем тямыс экспедиция, озьы ик куинь быдӟым философия: Эсэп, Азинлык но Шонерлык.

Куштӥськоды-а тӥ выль инмуын адями луонлэсь яке азинтоды асьме цивилизацилы тупась дунлыкъёсты но моралез, тыршоды-а тупаса улыны мукет дуннеосын яке ожмаськоды соосын — ваньмыз тӥ бордысь потэ.
Усьялэ выль дуннеосты, пумиталэ инсьӧрмуртъёсты, ворме тушмонъёстэс, эскере тодмотэм инмуэз но со дыре ик эн вунэтэ, тӥ музъем вылын на шуыса, угось улон ас понназ но — туж тунсыко шудон.

 

Ан000000000000000000астасия ШУМИЛОВА

Суред вотэсысь басьтэмын

Удмурт Дунне
By Удмурт Дунне Апрель 2, 2015 15:28