Кин кивалтоз тазалыкен?

Удмурт Дунне
By Удмурт Дунне Июнь 9, 2014 15:10

шубинАзинске «Усьтэм Правительство» проект. Та вакытэ мынэ солэн кыкетӥ этапез — министре кандидатъёс экспертъёс азьын «кыл куто» — удысэз азинтонъя асьсэлэн малпанъёсынызы тодмато.
Кылем арняе «экзамен» сётӥзы тазалыкез утёнъя министре кандидатъёс. Та интые ӵектӥськисьёс 11 кузя. Али нырысетӥ интыын мынэ тазалыкез утёнъя министрлэсь ужзэ быдэсъясь Алексей Чуршин. Нош Интернет-куара сётонъя — вань кандидатъёсты азьпалтэ тазалыкез утёнъя министре кандидат Лев Шубин — со понна дурбасьтэм ни 2517 адями.
Со — Ижысь медициная кун академиысь мобилизацилы дасянъя но калыкез кышкыт учыръёсы утёнъя кафедраысь доцент, мыло-кыдо пыриське «Удмурт Кенеш» огазеяськонлэн ужаз.
Конкурс азинске, асьме бордысь потэ удмурт воргоронлэн вормонэз. Лев Шубин понна куарадэс сётон понна пыроно Удмурт Республикаысь Тӧролэн сайтаз, шедьтоно Глава Удмуртии — Проекты Главы — Открытое Правительство — Голосование — Министр здравоохранения — Лев Шубин. Туннэ нуналлы Лев Шубин Интернет пыр куара сётонъя азьветлӥсь — 2517 адями со понна куаразэ сётӥз ни. Ӧтиськом ваньдэс дурбасьтыны!

Сергей Захаров
туспуктэм: udmurt.ru/op/ (Лев Шубин)

Удмурт Дунне
By Удмурт Дунне Июнь 9, 2014 15:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*