Выль кенлы — картон сяська

Удмурт Дунне
By Удмурт Дунне Июль 1, 2013 15:20

Выль кенлы — картон сяська

Аспӧртэм кузьым

Аспӧртэм кузьым

Вуиз пӧсьтолэзь — сюанъёслэн пӧсь дырзы. Нырысь ик малпаськонэ усёно: ма кузьмано выль кенлы но эмеспилы? Мон дэмласько салам борды открытка лэсьтыны.

Кулэ луозы: клей, качы, чильпырась лак, ӵуж но сьӧд картон, ку, пияла весь.

Ӵуж картонлэсь вандоно открытка но сое шори куасалтоно.

Дасяно ку, со вылын суредано бадӟым куар, пасьталаез мед луоз 5-8 миллиметр. Качыен вандоно кыкналасянь. Та пужыез ӵуж картон вылэ ляконо.

Сьӧд картонлэсь 9 сяськабурд дасяно. Котькуд сяськабурдэсь пумзэ шори вандоно.

Табере сяськабурдлэсь пумысьтыз кык люкетсэ, огез вылэ мукетсэ поныса, ляконо.

Сяськабурдъёсты пумтӥз ог-огзы вылэ ляконо — сяська бичано.

Пушказ кыӵе ке пияла весь (яке куасьмем сяська, пичи мунё) интыяно, котькуд сяськабурдэз педпала куасалтоно но дась сяськаез открыткалэн шораз ляконо.

Берпуметӥ уж — сяськаез чильпырась лакен шобыртоно. Открытка дась!

Нош зэмзэ ке вераса, нокыӵе инструкция кулэ но ӧвӧл — кияды пӧртэм чыры-пырыосты кутыса, малпаське — тунсыко арбери ачиз тӥ киын вордскоз!

Вера Штыкова

Удмурт Дунне
By Удмурт Дунне Июль 1, 2013 15:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*