Курегмылэн йырыз берытскиз

Удмурт Дунне
By Удмурт Дунне Июнь 4, 2013 09:58

Курегмылэн йырыз берытскиз

Зарни комокъёс

Зарни комокъёс

Туала арын уг паймыто бакчаын будӥсь виноград, арбуз, дыня. Инкуазьын воштӥськонъёс гидэ-азбаре но аспӧртэмлыкъёс пырто ни.

Валля арын курегмы чипы поттӥз октябрь толэзе. Коркан, тубат улын, будэтӥмы. Огез но ӧз висе, ӧз кулэ. Нош 2012-тӥ арлэн пумаз курегмылэн йырыз нош ик берытскиз, лэся — нош ик чипы поттӥз. Нош жалямы но корка пыртӥмы. Табере атас луоноосыз тютюос йӧнъяськыса ко-ко! каро ни.

Та гинэ мар ай! Курег — со асьме бурдо. Нош макем пайми, бускеле доры ветлыса. Солэн укно дураз тол вылтӥ кыкетӥзэ ни пи поттӥллям попугайёсыз! Чырткемесь, ӟильырто, ӟеч сисько. Тьфу, син медам усьы! Нокыӵе зоопарк кулэ ӧвӧл!

Евгения Шалаева
Пичи Пурга черкогурт

Удмурт Дунне
By Удмурт Дунне Июнь 4, 2013 09:58