Ондӥ

Удмурт Дунне
By Удмурт Дунне Апрель 1, 2013 13:40

Поэма

Кутскон вадес

Можга ёрослэн сэрегаз,
Сьӧрсак шурмылэн бамалаз,
Кылдэм пичи Зубнёгурт,
Отын кык но ӝыны юрт!
Улэ со гуртын горд пи,
Несеръёзнейший Ондӥ.
Ымныр солэн быглес,
Нош йырыз почти пилеш,
Кеч тушез шер-тур гинэ,
Со сярысь мадём туннэ.

Нырысетӥ глава
Тулыс лымы шунамъя
Шур дурын быдэс семья.
Аля визна, Ондӥ юэ —
Даурез озьы ортче!

Кыкетӥ глава
Кытӥ-мар вуэ сӥзьыл,
Картошкаез октон дыр.
Куинь картошечка поттэ,
Тамакан Ондӥ пуксе…
Дас минут ужа-а, уг-а,
Берпалаз как! муш лексе,
Ондӥ-брат воксё шугме,
Самогонкаен гинэ
Висемез солэн ортче.
Пока висисьмы йӧна,
Мурӝолын инь картошка.

Куинетӥ глава — голова
Сӥзьыл ортчиз — куазь толмиз,
Лымы бубыли усиз…
Зубнёе ӧвӧл сюрес,
Лымы сузяно чупрес.
Кык лопатка сэрпалтэ —
Ньылоныз висьны кутске.
Мар табере кароно,
Самогон шат юоно?!
Тазьы куаӵак ужаса,
Лымы вуттӥз шунаса.

Перегар зыно глава
Шӧдытэк вуэ тулыс.
Макмырен висе донгыз!
Мар-о табре кароно,
Курытсэ шат пӧзьтоно?
Гужемлы но яралоз,
Муш лекамлэсь но юрттоз,
Барангы но бичаськоз,
Лымыед но поттаськоз…

Финита ля комедия
Сазь дырьяз малпан шедьтӥз,
Кеч тушлы йырвизь пыриз:
Самогонкаез юон —
Со туж зол тормозитьтон!
Кошкиз Ондӥ городэ,
Пуксьыса велик вылэ.
Коть огез ке но пияш
Адями луны ӧдъяз!
Гурт юонлэсь брат пегӟиз —
Сазь муртлэн тусыз потӥз…
Но один фиг: юоно —
Кылбурасьлы пуктоно.

Кион Эркемей

Удмурт Дунне
By Удмурт Дунне Апрель 1, 2013 13:40