Кеносъёс бушало — емыш дуноя

Удмурт Дунне
By Удмурт Дунне Февраль 7, 2013 10:25

Кеносъёс бушало — емыш дуноя

magazin«Огъя Россия» партилэн Удмурт ёзэз киӵолтэмъя шаерамы улонэ пыӵа «Калык контроль» проект. Со сӥземын республикаямы сиён-юон дунъёсты эскеронлы.

Проектэ пыриськисьёс шаерысьтымы магазинъёсы рейдъёсын потало — син шоразы возё дунъёслэсь вошъяськемзэс. Ӵапак угось таӵе косонэн вазиськиз вал Президент Александр Волков: Сиён-юонъёслы дунъёс калыклэн кисыезлы тупамон луыны кулэ, юнме шорысь вылие медаз тэтче.

Та нуналъёсы Ижысь Ленин ёросысь 208 номеро «Лукошко» магазинэ эскеронэн вуылӥзы. Кун Кенешлэн Тӧроезлэн воштӥсез, «Калык контроль» проектлэн координаторез Владимир Невоструев, вуз каронъя но калыклы юрттэт сётонъя министрлэн воштӥсез Каринэ Давтян.

— Магазинъёс азе чурытэсь куронъёс пуктыны ми ум быгатӥське, — пусйиз Каринэ Давтян. — Дунъёслэн кудбыдӟа луэмзы, ӝутскемзы я усемзы — со рынок кусыпъёс. Озьы ке но министерствоысь специалистъёслэн, озьы ик «Калык контроль» проектэ пыриськисьёслэн луонлыксы вань вузъёслы ватсаса дун (надбавка) пуктылонэз чакланы.

Вуз каронъя но калыклы юрттэт сётонъя министерствоысь специалистъёс верамъя, та нуналлы шаерысьтымы вуз каронъя сетьёс, озьы ик «Удмуртпотребсоюз» огазеяськон вузъёслы ватсам дунэз 10-25 процент вылын возе. Эконом-классэ пырись магазинъёс, кылсярысь, «Три банана» но «Лукошко» сиён-юонъёслы дун 5-10 процент ватсало. Со сяна, шаерамы ужало 67 пала «Ветеран» магазинъёс, соос ветеранъёслы но пенсионеръёслы 7 процентъем скидка лэсьто.

Удмуртстат ивортэ: кылем арын декабрь толэзен ӵошатыса, туэ январе тужгес но дунтэмаз курегпуз — 5,5 процентлы, курег сӥль — 3 процентлы, сьӧдчабей кеньырлы — 2,1 процентлы, рис но тари кеньыр — 1,1 процентлы. Азьвыл сямен ик кылизы скал сӥль, ӵынатэм сӥльтырем, кӧсвӧй, кузятэм, йӧл, сакыр, сылал но ӟег нянь дунъёс. Ю тысьлы дунъёс ӝутскемен валче 2 процентлы йылӥз чабей пызьлы дун. Бакча емышъёслы дунъёс 3 процентысен 8 процентозь йылӥзы. Но таӵе югдур арлы быдэ пумиське, угось кеносъёсын утиськись емышъёс тол вылтӥ кулэсмо.

Приволжск федерал округысь улосъёсын ӵошатоно ке, Удмурт шаерын тужгес но дунтэм сӥль, макарон. Потребительской кудые пырись сиён-юонъёслэсь дунзэс чаклано ке, кылем арын декабрь толэзе 14 улосъёс пӧлын Удмуртия 6-тӥ интые потӥз. Нош Россиысь 83 улосъёс пӧлын — 67-тӥ интые (нырысетӥ инты — дуно улос.

Елена Никитина

Туспуктэмез: oko.by

Удмурт Дунне
By Удмурт Дунне Февраль 7, 2013 10:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*