Азамат школа пытсамын гужемозь

Удмурт Дунне
By Удмурт Дунне Февраль 28, 2013 13:27

Азамат школа пытсамын гужемозь

uzvesАлнаш ёросысь Азамат школалэн юртаз узвесь (ртуть) шедьтэмын. Шараязы сое 27-тӥ феврале директорлэн кабинетысьтыз. Школа со нуналэ ик пытсамын вал, нылпиос доразы лэземын. Та учырез эскерисьёс ивортэмъя, узвесьлэн омырын кулэезлэсь 12 поллы тросгес.

— 26-тӥ феврале компьютерме лэзи но, со уг ӝуатӥськы, — вера Азамат шор ёзо школалэн директорез Сергей Игнатьев. — Компьютерлэн пушсэ эскероно кариськи. Соку ик отысь узвесь шапыкъёсты синйылтӥ. Кытысь со вуэмын — валантэм. Кӧня дыр ӵоже компьютер пушкын кыллемын — тодмотэм. Ваньмыныз валче улӥськомы кадь. Но кин ке урод карыны малпам, лэся. Узвесез кисьтӥсь ӧз но малпаськы, дыр, тазьы дауртэмез пиналъёслэсь тазалыксэс сӧрыны быгатоз шуыса. Школаын дышетскисьёслэн лыдзы 72 адями.

Соослэсь тазалыксэс та вакытэ эскеро эмъясьёс. Дышетсконзэс соос куспетӥ уз каре — дышетскозы нылпи садлэн, клублэн, конторлэн юртъёсазы. Соослы сиён пӧралозы нылпи садлэн столовояз. Школалэн юртысьтыз одӥг арбериез но поттыны лэземын ӧвӧл. Ярам коть, складамы вуж партаос сыло вал — пиналъёс соос сьӧрын дышетскозы.

Гужемозь одӥг пиналэз но школае пыраны уз лэзе. Та дыр куспын солэсь юртэз узвесьлэсь утялтозы. Та учырез эскерон уж мытэмын.

Елена Сараматова
Туспуктэмез: ru.wikipedia.org

Удмурт Дунне
By Удмурт Дунне Февраль 28, 2013 13:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*