Кылем толэзе Дэри ёросысь Изгуртын бадӟым ужрад ортчиз. Ёросысь вань гуртъёсысь удмуртлыкез азинтонэ пыриськисьёс «Италмас» культурая центр усьтонэ ветлӥзы. Куноосты пумитаны рос-прос дасяськиллям гуртысь «Лысву», «Марӟан» ансамбльёсы ветлӥсьёс. Паймоно кадь: Изгуртысь трос дано адямиос потэмын: Удмурт Республикалэн дано муртэз Анатолий Мамонтов, кылбурчи Олег Четкарёв, крезьгурчи Татьяна Четкарёва, дано спортсмен Николай Мамонтов но мукетъёсыз.
Гурт клубе люкаськемъёс огымысь кадь пусйизы, удмурт культурая центр усьтон – удмуртлыкез азинтонын выль вамыш. Азьланяз татын пӧртэм ужрадъёс ортчытыны чаклало. Палэнэ уз кыле пиналъёс но – исследовательской ужъёссэс гожъялозы, калык йылол-сямъёсты утьыны тыршозы.
Нош Изгуртэз эшшо но тросгес адямиос мед тодозы шуыса, та гурт котыртӥ пыдын ветлон сюрес кылдытыны малпало. Удмурт праздникъёсазы ӧтьылыны чаклало городысь но кунгож сьӧрысь куноосты. Соослы тунсыко мед луоз шуыса, изгуртъёс кенос пуктон борды басьтӥськизы ни.
Вера Богданова.
(Куараос ӧвӧл на)
Loading ...
