18-тӥ ноябре Ижевске люкаськылӥзы шаерысьтымы 100 пала онкологъёс но урологъёс. Пӧлазы вал Москваысь куно но – Россиысь Онкоурологъёслэн огазеяськонзылэн вице-президентэз Игорь Русаков. Конференциын вераськизы воргорон безын (предстательная железа) кылдэм лек пыктосэз дыраз шараян но йӧнатон сярысь. Республикаысьтымы лек пыктосэн нюръяськонъя диспансерысь онкохирург, хирургия ёзэн кивалтӥсь Алексей Соколов сюлмаськемзэ уг ваты: – Кышномуртъёс араз огпол ке [...]

Удмуртиысь нылкышно кенеш, «Удмурт кенеш», «Шунды» огазеяськонъёс, городысь пиналъёсты школалэсь азьло визьноданъя управление, воспитательёслэн «Зарни бугор» огазеяськонзы витетӥ арзэ «Ӵыжы-выжы» фестиваль ортчыто. Та нуналъёсы со мынэ Ижысь 208-тӥ, Кузебай Герд нимо но 112-тӥ нылпи садъёсын. Азьвыл аръёсы удмурт нылпи садъёсы ветлӥсьёс, анай кылмес дышетӥсь но удмуртлыкез гажась нылпиос фин-угор выжыысь калык кырӟанъёсты, эктонъёсты возьматъязы вал [...]

«Лудорвай» музее шугъяськытэк пырыны быгатозы сӧсыр муртъёс но. Та понна 99 сюрс манет лыктоз Культурая, печатья но иворъёсъя министерстволэн кисыяз. Коньдон висъяськоз нимысьтыз программая. Соку музей-заповедникын кылдытозы сӧсыръёслы чаклам нимысьтыз маршрутъёс, вераз калыклы улон-вылонын юрттэт сётонъя министр Ольга Корепанова. Музейысь юртъёсы шугъяськытэк пырыны-потыны луоз. Юнматозы кутӥськонъёс, ӝутозы пандусъёс. Эшшо 1,5 миллион манет мыноз социальной центръёслы. [...]

Кыӵе югдур шаерамы уждун тыронэн? Кыӵе предприятиос сое ӝегато? Кыӵе амалъёсын пум пононо уж дурын вӧсь луон учыръёслы? Та юанъёслы тупен-тупен валэктон сётӥз республикаысьтымы ужъя министр Сергей Фефилов. Журналистъёсын пумиськонзэ министр мытӥз совето вакытысь тодэ ваёнъёсыныз. Со дырлэн валтӥсь героез луиз ужась адями. Заводэз ӝутонлы сӥзем муртъёс сярысь пуктылӥзы киноос, нянь будэтӥсьёсты ӧтчаллязы нимо-дано ужрадъёсы. [...]

Балезино ёросысь Карсовай черкогуртын улӥсь Елена Яковлевна Касаткиналы 3-тӥ декабре 100 арес тырмоз. Арлыдыз шоры учкытэк, со юрт котыраз берга, нылпиосызлы юрттӥське.  Ёросамы арлыдо кышномуртъёс трос, нош сю арессэ пусйыны дасяськисьсэ нырысьсэ пумитай. Капчи мылкыдызлы но сэзь йырсазезлы пайми. Елена Яковлевна вордскемын 1911-тӥ арын Балезино ёросысь Верх-Анчихино гуртысь бадӟым семьяын. Одӥг липет улын 12 кузя [...]

Туала вакытэ сюрес вылэ потаны кышкыт луиз. Я калыкъёс куспын нюръяськонъёс, я транспортэн герӟаськем шудтэм учыръёс, я куазь лекъяськонъёс сюлэмез дырекъято. Озьы ке но кышканме ворми. Лоби Египетэ – Хургадае. Калы быриз, картэлы вераса: адӟем кар! Сюрес вылэ потэмелэсь азьло 2 кышканэ вал. Нырысетӥез – самолёт. Шуизы: лобомы, пе, 11 сюрс метр вылӥетӥ 5 час [...]

Елена Сунцова – Удмурт Республикаысь дано артистка. Со театрын ужа гинэ шуимы ке, янгышалом. Малы ке шуоно актриса отын улэ, шока. Ижысь культурая училищеын дышетскыкуз ик, Лена шӧдӥз ини: со тросгес саклык висъя сцена вылын ассэ возёнлы, чебер вераськонлы. Пӧртэм быгатонлыкъёсызлы но шаплы сямызлы дышетӥсьёсыз но паймылӥзы. Со эктыны-кырӟаны чупрес, нош кыӵе быгатыса кылбуръёсты лыдӟылӥз! [...]

Туэ ар пумын шаерысьтымы Дышетон удысысь национальной ужпумъёсты эскеронъя институтлы 15 ар тырме. Соин валче Ижын бадӟым конференция радъяськиз. Солэн нырысетӥ люкетэз сӥземын вал УАССР-ысь дано дышетӥсез, «Удмурт кыл» учебникъёслэсь авторзэс, тодосчиез Августа Конюховаез данъянлы. Сцена вылэ потыкуз, Августа Васильевнаез пӧсь кичабонъёсын пумитазы. Тросэзлы осконтэм потӥз, луоз: азязы – даур пыр ортчем дано удмурт нылкышно. [...]

Журналистъёсын пумиськылӥз Кун Кенешлэн Тӧроезлэн нырысетӥ воштӥсез Виктор Кушко. Мылкыдыз каньыл: республикамылэн улонэныз герӟаськем куд-ог лыдпусъёс но гижысь-пиньысь быдэстэм ужпумъёс шумпотто. Шаерысьтымы промышленной предприятиос берло 10 толэзь ӵоже 229,4 миллиард манет тыр вузъёс поттӥзы, кылем арын та вакытэн ӵошатыса, со 128,7 процент луэ. Лыдпусъёс уката ӟеч луизы машина но соослы воштос ёзъёс поттон, ку дӥсь [...]

Кез ёросысь Олып, Вуж Пажман но Дырпа гуртъёсын улэ музъем ужез, пудо вордыны яратӥсь калык. Соослы нокыӵе шуг-секытъёс, кризис кышкыт ӧвӧл, кулэ дыръяз гурезез но берыктыны дась. Тӥни отысь пото колхозлэн вормонъёсыз. «Дружба» СПК – ёросын кемалась одӥгез умой азинскись хозяйство. Солы кутскон сётӥз, будон сюрес вылэ пуктӥз Кез муниципал кылдытэтлэн али йырыз Пётр Князев. [...]