Удмуртиысь парламентлэн 28-тӥ сессиез ортчиз 27-тӥ сентябре. Отын 30 пала ужпумъёс сэрттэмын. Огез луэ Сюрес фонд сярысь закон. Солэн инъетэз республикаын вазенгес ик дасямын ни, но куд-ог юанъёс кылдылӥзы на фондэ люкаськоно коньдон пумысен. Табере со ужпумъя Кун Кенеш, асьме Правительство но Транспортъя но сюрес хозяйствоя министерство огкылэ вуизы. Сюрес фондэ, кылсярысь, кошкозы  транспортлы налог, [...]

«Россиысь чугун сюресъёс» огазеяськон берло дыре ӟеч ужъёсыныз шумпоттэ. Гужем Глазовын выль выж лэсьтӥзы, нош вторник нуналэ шумпотон вуиз можгаос доры. Чугун сюресъёс вамен пыдын ветлон выжзы соослэн кемаласьгес шальтран калэ вуэмын вал. Туэ тулыс шаерысьтымы куд-ог городъёстӥ Вормон поезд ортчиз. Можга городын улӥсьёс но сое учкыны трос люкаськылӥллям. Чугун сюрес вамен выж вылтӥ ортчон [...]

Грак ёросын дышетскон ар ӧраз пыриз ни. Озьы ке но огез пинал та дырозь парта сьӧры пуксьыны уг дырты. Пияшлы 17 арес, одӥг классын кӧня ке пол пукемын, школаын дышетсконзэ со азьланьтыны уг ни малпа. Та пияшен но быдэ вуымтэосын герӟаськем мукет ужпумъёсъя кенешон ортчиз Грак ёросысь администрациын. Быдэ вуымтэосын ужанъя комиссилэн кивалтӥсез Лариса Чернышева [...]

Егитъёсын ужанъя министерство, озьы ик Ужась егитъёслэн кенешсы та нуналъёсы ялӥзы выль конкурс. Со сӥземын социальной реклама кылдытонлы: кылсярысь, шузимытӥсь суретъёслэн вӧлмеменызы нюръяськон, кудӟытӥсь юонъёслэн тазалыклы ыштон ваемзы сярысь но мукет. Егитъёсын ужанъя министерство ивортэмъя, ӵошатскон радъяськоз таӵе номинациосъя: «Удмуртия, азьлань!», «Ми – Россиын улӥсьёс», «Асьме культурамы», «Мынам правое», «Егит семья», «Ӟеч ужъёслэн сюрессыя», «Уть [...]

Президент Александр Волков пыриськиз Приволжск федерал округысь Кенешлэн ужаз. Татын Приволжск федерал округысь улосъёслэн йыръёссы эскеризы инкуазез утёнлы сӥзем юанъёсты. Со ортчиз Президентлэн ПФО-ын оскем муртэзлэн Григорий Рапоталэн кивалтэмез улсын. Озьы ик радъяськиз Россиысь улосъёсты азинтонъя министрен Виктор Басаргинэн кенешон. Таяз вераськон мынӥз округе инвестициосты кыскыны луонлыкъёс кылдытон пумысен. Тодмо луиз: Правительство юнматӥз Приволжск округын [...]

Шаерамы 413 сюрс пала пенсионеръёс. Со пӧлысь 2 но ӝыны сюрсэз – ожысь ветеранъёс, 38 но ӝыны сюрсэз – ож мышкын ужамъёс, 111 сюрсэз – ужысь ветеранъёс, ог 116 сюрсэз – инвалидъёс. Соослы улон-вылонын юрттэт сётонлы республикамылэн бюджетысьтыз арлы быдэ тросгес коньдон висъяське. Ӵошатон понна: 2009-тӥын – 3,4 миллиард манет, 2010-тӥын – 3,6 миллиард манет [...]

Ижысь Ленин ёросын улӥсь Парасковья Андреевна Гырдымовалы удалтӥз. Ёросысьтызы калыклы юрттэт сётонъя центрын компьютер курсъёс ужало. Та центрысь ик ветеранъёслэн кырӟанъя «Калина красная» ансамбльзылэсь сяна, песянай берло дыре та визьмо машиналэсь но уг ӵыды ни. Шуэ: школаын дышетскись внукъёсы компьютерзэс ужато но кысыны вунэто, со ик луиз курсъёсы ветлон муг. Данъяськыса вера, табере «мышка» шуонэз [...]

Алигес Иже ветлӥ. Ужъёсме йылпумъяса, бертыны потӥ. Троллейбус дугдылонние лыктыса, одӥгезлэсь юасько: «Кыӵе номеро троллейбусэн Ракетной ульчаозь мыныны быгато?» Тани, пе, та лыктӥсеныз ик – матэктӥсь троллейбус шоры возьматӥз со. Пушказ калыкез трос ӧй вал. Мон ӝогак пыри, пыдлось пуконаз интыяськи. Билет басьтэме бере, сумкаысьтым газетме поттыса, пырись-потӥсьёс шоры учкылытэк, лыдӟиськонам выйи. Кӧня озьы мынӥ, [...]

Валамон кылын вераськон Мон вордски но будӥ Яр ёросысь вашкала удмурт гуртын. Тодосчиослэн гожъямъёссыя со кылдэм 17 даурлэсь азьло. Одӥгаз документын гожтэмын, Тум шур дурысь починкае Укана гуртысь одӥг семья выжиз. Бадӟым но мур нюкъёсысь бы-зись кезьыт ошмесъёсысь кужым люкась Тум шур дуре пуксем дорме удмуртъёс Дӧжигурт шуо. Ватка губерниысь калыклэсь улэм-вылэмзэ гожъяса ветлӥсьёс сое [...]

Берло аръёсы cтудентъёслэн кунгож сьӧрын тодон-валанзэс муромытыны луонлыкъёссы трослы будӥзы. Умой дышетскисьёслы кунсьӧр университетъёсы но гимназиосы сюрес усьтӥське. Визь люканы луэ кӧня ке арня, толэзь, ӝыны ар, быдэс ар яке солэсь но тросгес. Туэ гужем мыным удалтӥз немец кылме Германиын волятыны. Тодмотэм кунэ огнам мыныны туж кышкыт вал – Россиысь кӧня ке мурт гинэ конкурсэз [...]