Туннэ нуналлы элькунамы кык Якшур, куинь Ягул но ньыль Ягошур гуртъёс лыдъясько. Отын вордскем, будэм но али улӥсьёс понна дунне вылын дуноез но мусоез сэрег ӧвӧл, дыр. Валентина Николаевна Широбокова гогыеныз бурмемын Якшур-Бӧдья ёросысь Якшур гурт борды. Тӧдьыошмес юзмыт вуэныз будыны кужым сётӥз, гольык пыд бызьылӥз Тупал но Дургапал ульчаостӥ, узы-боры бичаз Болтайгопын но Чекергопын. [...]
Мукыли Туннэ кадь син азьын 1951-тӥ ар. Гурт пумысь бусыын атае тракторен гыре но шуэ: «Нылы, эн кӧшкема, мон нюлэс дорозь гырыса мыно, трактор куараме кылзӥськы, мон котырскытозь, мукылиед (коньыбыж) трос люкаськоз, мешокмес соку кабинаям куштом, бичалод мукетаз». Озьы вал нуналлы быдэ сямен, я пот бичасько, я пушнер, я беризь куар корасько. Огпол мукыли бичаса [...]
Байгурезь тодам кылиз ужея – нырысетӥ съёмкаос дыръя ик. Дэбес музъем вылэ вуим Иван Данилов режиссёрен. Ми соку Степан Широбоков кылбурчи но Яков Иванов суредась сярысь сюжет дасяськом вал. Йӧно Байгурезь вылэ тубим черкогурт палтӥз, нялмытгес бамалтӥз. Сылӥськом пирамида йылын кадь: пыд уламы горд сюйлэсь меӵ борддор, нош котырак синмаськымон чебер инкуазь. Вуоно сюжетэ [...]
Ижкарысь Кибашлыослэн центразы усьтӥськиз адӟытон. Ньыль ар вис каремзы бере асьсэлэсь выль ужъёссэс возьматыны вайизы Дэбес ёросысь кибашлыос. Дэбес ёросын кибашлыослэн центрзы ужаны кутскиз 1992-тӥ арын. Сое возьмаса кадь улӥзы шыкысъёсын кыллись бичаса яке ӝуткаса куэм ӝӧккышетъёс, пыдлёгетъёс, шобретъёс, пулэсь, кызьпу туйлэсь, ньӧрлэсь арбериос но мукет тӥрлык. Та арбериослэсь улонзэс кузёмытон но выльдон борды шумпотыса [...]
Иванов кузпалъёс кыкназы ик вордскемын Пичи Пурга ёросын. Николай Иванович – Улын Юриын, нош Антонида Михайловна – Гужношурын (Поӵышын). Та гуртъёслэн виссы кыдёкын ик ӧвӧл ке но, егитъёс городын пумиськизы-тодматскизы. Ай Ижын гинэ ӧвӧл – Глазовын. 40 ар талэсь азьло соос кооперативной училищеын дышетскизы. Тоня отчы вуз карисе мынӥз, нош Коля – бухгалтере. Поездын мынон-бертон [...]
Выльдӥськон вакытъёсы улон воштӥськемъя ӧжыт лыдъем фин-угор калыкъёс йырзэс ӝутӥзы. Тырмоз, пе, гондыр гуын кадь улыны, кыре потоно. Та вакытъёсы ик вордӥськиз фин-угор театръёслэн фестивальзы. Но аръёс ортчемъя та фестивальлэн тылсиосыз бездыны кутскизы. Малы озьы луиз? Фин-угор театръёслэсь фестивальзэс радъян пумысен нырысь ик кылпум поттылэм Ижысь «Интеграл» театрысь режиссёр Евгений Столов. Та сярысь верам [...]
Удмурт Республикаысь бусыос вылын туннэ ужа 518 комбайн. Таос 285 сюрс 143 гектар вылысь ю тысез утялтӥзы ни. Со, кылем арын сярысь, ог 47 сюрслы ятыргес. Вавожъёс но можгаос бусыоссэс утялтӥзы ни. Ужъёссэс 97 процентлы быдэстӥзы кизнеръёс. 95 процентсэ няньзэс октӥзы алнашъёс. Тол вылэ тысь кизёнэн но уваос азьпалан. Тазьы ивортэ Удмуртиысь Гурт удысъя [...]
Та нуналъёсы «Ижсталь» завод доры маке мында калык люкаськылӥз. Валамон ини, август пумын таӵе люкаськонлэн мугез одӥг: нылпиосты школае келян. Котырак чузъяське нылпи крезьгур. Фонтанысь чылкыт ву пазьгиське. Калыкез шулдырто, эктыто, кырӟато бадӟымесь мунёос. Соос тэшкылиослы карандашъёс, блокнотъёс, ручкаос но тетрадьёс сётъяло. Нырысетӥ классэ мынӥсьёс та заводын ужам но ужась песянай-песятайёсынызы но анай-атайёсынызы ӵош татчы [...]
Ижысь «Динамо» стадион кема дыр ӵоже ворсаськыса улӥз. Отын тупатъян ужъёс мынӥзы. Но кылем арня вискын со ӧсъёссэ усьтӥз Удмуртиысь тылпу кысӥсьёс понна. Ӵошатсконын асьсэлэсь чырткем луэмзэс но быгатэмзэс возьматӥзы Удмуртиысь вань городъёсысь но ёросъёсысь вуэм командаос – ваньмыз 48, сомында ик автомашина. Котькуд командаын быдэн вить адями: караулэн кивалтӥсь, водитель но куинь боец. [...]
Удмуртия пыриськоз «Огъя Россилэн» «500 бассейн» проектаз. Таӵе мылкыдэ вуиз партилэн Удмурт ёзэзлэн Политсоветэз. Политсоветлэн секретарезлэн воштӥсез Александр Ушаков верамъя, та проект быдэсме Россиысь вузъёсын. Озьы ке но бассейнэ, студентъёс сяна, ветлыны быгатозы вань мылкыд карисьёс. Удмуртиын проект пыӵалоз Ижысь техникая университетын. Та понна зол сюлмаськиз вузлэн ректорез, праймеризэ пыриськем мурт Борис Якимович. Нош бассейнэз [...]
