Можга ёросысь «Туташево» огазеяськонысь скал кыскись Юлия Петровна Волкова – огез чырмыт ужась. Фермаысь кыӵе ке шекъёсты адӟиз ке, шыпыт уз улы, меӵак вералоз. Кылем арын котькуд скалэзлэсь шорлыдын 5 сюрс 700 килограмм йӧл кыскиз.

Россилэн Президентэзлэн Удмуртиысь приёмнояз калыкен пумиськон ортчытӥз Кун Кенешлэн Тӧроез Александр Соловьёв. Ужрадэз нуиз приёмноен кивалтӥсь Светлана Смирнова. Солэн верамезъя, Россилэн Президентэзлэн таӵе интыосыз кылем арысен вань улосъёсын  кылдытэмын. Татчы адямиос пӧртэм куронъёсын-ӝожтӥськонъёсын вуыло. 2010-тӥ арын 319 вазиськись вал, туэ сюлэсь трос куронъёс вуизы ни. Кыӵе ужпумъёсын адямиос лыктэмын вал таяз учыре?

Национальной библиотекаысь «Удмурт шаер» клубын 23-тӥ мартэ ортчиз журналистлэн, кылбурчилэн но прозаиклэн Елена Миннигараевалэн (Панфиловалэн) творчествоезлы сӥзем ӝыт. Люкаськем калык тодматскиз авторлэн «Мумы» повестеныз но «Мон – улӥсько!» кылбур бичетэныз.

Матысь дыре паспортэз, машина нуллон правоез, пенсиосъя удостоверениез но мукет документъёсты воштоз огъя (универсальной) электрон карта. Соосты дасяны кутскизы ни «Гознак» предприятиын. 200 карта вуыны кулэ Иже но. Љоген кутскоз бадњым эксперимент.

Удмурт калык творчествоез керттэм, пужъятэм арбериостэк син азе уд пукты. Берло дасо аръёссэ киужъёс полын паськыт волмыны кутскиз кут кутан но. Игра ёросысь Лудошур гуртысь Матвей Селиверстов но тодаз ваиз пинал дыръяз вырем ужзэ.Дышем киос капчиен но жог лэсьто ужзэс. Егит дыръяз пыдкук оволэн Матвей Селивёрстовлы кут кутанэн выроно луиз, нош табере Играысь калык творчествоя [...]

Гурезь Пудга гуртын витети арзэ ини «Снежинка» нимо куасэн чошатсконъёс ортчозы. Туэ вожвылъяськон сиземын Юрий Гагарин космосэ лобем дырысен 50 ар тырмонлы. Чошатсконъёс нылпи садэ ветлись но покчи классъёсын дышетскись нылпиослы чакламын. Пичиос жыны километрез ортчозы, нош дышетскисьёс одиг но жыны иськеме мынозы. Гурезь Пудга школаысь дышетись, чошатсконъёсты радъясь, Анатолий Попов верамъя, туэ эстафетаез ортчытыны [...]

Администрацилэн тороез Анатолий Сизов верамъя, 2010-ти ар Сарапул понна азинсконъёс ваиз. Ваньбур валля арлэсь 16 процентлы тросгес поттэмын. Уждунлэн шоро-куспо быдзалаез 12 процентлы йылэтэмын. Ужтэк пукисьёслэн лыдзы ар куспын ог ньыльмос процентлы синиз. Кенешонэ пыриськиз элькун азьмурт Александр Волков. Элькун кивалтись пусйиз, 2011-ти ар ужась адямилэн ареныз ялэмын. Соин ик бадзым саклык висъяны куриз ужась [...]

10 марта 2011 — 17:44 Тулыс гырон-кизён ужъёсты ортчытыны гурт возёсъёслы эстиськон пичигес дунын висъяськоз. Сыче юрттэт сётыны чакла Росси кивалтэт. Та вакытлы кун ласянь чакламын ни, коня эстиськон басьтоз соиз яке таиз улос. Юнматэмын лыдпус элькунмы понна но. Эстиськонлы дунъёс мултэс вылиын возиськемен, соосты чаклан-эскерон уж борды басьтиськизы Россилэн кивалтисьёсыз. Мувой компаниослэн кивалтисьёссылы чурыт [...]

Дэри школаын туннэ «Шундыберган» шудон ортчиз. Удмурт кыллы сизем пумиськонэ ёросысь пиналъёс пыриськизы. Нылпиосты ог-огенызы, ужъёсынызы тодматон вылысь Шундыберган туэ паськыт волмем КВН шудонъя радъяськиз. Дэри ёросысь пиналъёс туэ «Шундыберган» шудонэз учкись калыкез серекъятыса ортчытизы. Валтись герой — Лопшо Педунь. Солэсь адзем карыса, лэчыт веранъёссэ тодэ вайыса возьматоно, кыче луо учыръёс, но кызьы со чузъяське удмурт [...]