Йӧлтэк вӧй уг луы

Удмурт Дунне
By Удмурт Дунне Март 29, 2011 08:37

Йӧлтэк вӧй уг луы

Можга ёросысь «Туташево» огазеяськонысь скал кыскись Юлия Петровна Волкова — огез чырмыт ужась. Фермаысь кыӵе ке шекъёсты адӟиз ке, шыпыт уз улы, меӵак вералоз. Кылем арын котькуд скалэзлэсь шорлыдын 5 сюрс 700 килограмм йӧл кыскиз.

— Мынам гинэ вормонэ ӧвӧл та, — шуэ Юлия Петровна, — ньыль кузя ужаськом, скалъёсмес ваньмыӵош утялтыса возиськом. Кӧс куазьлы но ӧм сётӥське, пудо сиёнмы тырмыт дасямын. Скалъёсмы бӧксыса уг уло. Собере, пудо возьман интыосмы но Тутайгурт котырамы тус-тас каремын ӧвӧл — гужем скалъёсмес кытчы лэзьыны ум ёрмиське. Пудо вордон удыс сярысь зол сюлмаське хозяйствомылэн валтӥсь директорез Анатолий Геннадьевич Мельников. Йӧл гумы но тани кыскимы.

Юлия Петровна кадь кужмо ужась кышномуртъёс вылын туннэ быдэс гурт удыс возиське. Удмуртилэн Президентэзлэсь йӧл кысконъя куронзэ Тутайгуртын кемалась быдэстӥзы ни: ваньзы 5 сюрс килограммлэсь трос йӧл кыско.

Татьяна Банникова.

Туспуктӥз Владимир Беломорских.

 

Удмурт Дунне
By Удмурт Дунне Март 29, 2011 08:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*