Толон радъяськиз Кун Кенешлэн 25-тӥ сессиез. Солэн ужаз пыриськизы Удмуртилэн Президентэз Александр Волков, Правительстволэн Тӧроез Юрий Питкевич, Удмурт Республикая валтӥсь федерал инспектор Рустам Идрисов, Федерация Кенешысь сенатор Александр Чекалин, Кун Думаысь депутатъёс Евгений Богомольный, Николай Мусалимов, Михаил Питкевич, Николай Сапожников, городъёслэн но ёросъёслэн йыръёссы. Сю депутат пӧлысь сессие вуиз 84-ез. Соослы Кун Кенешлэн Тӧроез Александр [...]
Та вакытэ Ижысь «Галерея» адӟытон центрын шуныт киужъёсыныз паймытэ егит кибашлы Ирина Андреева. Со вордӥськемын но будэмын шаерамы, али улэ Москваын. Усточи ыж гонлэсь паймымон арбериос пӧрмытъя. «Шуныт нунал» проектэз учкисьёслы зэмзэ но шуныт мылкыд кузьма.
Татарстанысь Менделеевск ёросысь Вандэмо гуртысь культура юртэн кивалтэ шаплы но йӧно удмурт нылкышно Анна Спасских. Куке-соку культура удысын тыршо шуыса малпанэ ик, пе, ӧй вал. Табере со та ӧрын 20 арлэсь кема берга ини. Шутэтскыны потыса но, Анна Николаевна клубен 7 ар кивалтэ ини.
Россиысь МЧС-лэн Удмурт Республикая кышкыт югдуръёсъя центрын тулыс дасяськон сярысь кенеш ортчиз. Шаерысьтымы кивалтӥсьёс сяна, отчы пыриськиз Россиысь МЧС-лэн Приволжск улос центреныз кивалтӥсьлэн воштӥсез Андрей Ковтун.
Куать ар ӵоже республикаямы ужа Адямилэн правоосызъя оскем муртлэн институтэз. Татчы кивалтӥсе кыкетӥ сроклы юнматэмын Михаил Кокорин. Вераны кулэ, Михаил Константиновичлы ужзэ быдэсъяны оскизы Кун Кенешысь тросэз депутатъёс. Берло быръён ортчыку, сессие вуэм 80 депутат пӧлысь 70-эз куаразэ сётӥз Михаил Кокорин понна. Уполномоченноез нырысьсэ бырйыкузы, солы дурбасьтӥз вал 54 депутат. Озьыен, Адямилэн правоосызъя оскем муртлэн [...]
Дэри ёросысь Подшивал гуртэ ог ар талэсь азьло вуылӥм вал. Паймемлэсь но паймим отысь амбулаторилы. Эмъясьёс калыкез йӧнатӥзы чидантэм азьын: юртсы кыжмемын, ӝӧк-пуконъёс мырдэм сыло, выжлэн пулъёсыз, оген-оген сисьмыса, усьылыны дасесь… Сукырез но адӟоз: татын ужаны уг луы ни. Дэри ёрос больницалэн администрациез огдырлы решение кутылӥз: амбулаториез выжтоно артысь Сепыч гуртэ. Озьы подшивалъёс кызыны кутско-а, [...]
Кун Кенешлэн юртаз 24-тӥ мартэ ортчиз Удмуртиысь Ветеранъёслэн огазеяськонзылэн кенешезлэн пленумез. Ужрадэ пыриськизы интыосысь ветеран организациослэн азьветлӥсьёссы но Удмуртилэн Президентэз А. Волков, Кун Кенешлэн Тӧроез А. Соловьёв.
Удмурт Республикаысь Писательёслэн огазеяськонзылэн нимаз журналэз потыны кутскем дырысен туэ 28-тӥ феврале 85 ар тырмиз. 1926-тӥ арын лыдӟисьёс доры со вуиз »Молот» нимын, нош берло дыре удмурт литератураен тунсыкъяськисьёс, солэн улоназ пӧзисьёс-бергасьёс доры йыгаське «Кенеш» журнал. Кылем пятницае Эшъяськон юртын «кенешчиос» ас котыразы люказы эшъёссэс.
Арня вискын Ижын ортчиз «Электрон муниципалитет-2011» форум. Удмуртие вуизы муниципал, улос, федерал кивалтӥсьёс, выль технологиосты нуналмысь улонэ пыӵатонэн вырись огазеяськонъёс но экспертъёс.
Агропромышленность удысъя, музъем кусыпъёсъя но инкуазез утёнъя ялан ужась комиссилэн кенешаз эскеризы 2009-тӥ-2012-тӥ аръёсы ӟеч выжыё скал уллёез но йӧл поттонэз йылэтонъя программалэсь быдэсъяськемзэ. Та сярысь ивортӥз гурт удысъя но сиён-юонъя министрлэн воштӥсез Олег Пушкарёв.
